ویب نیوز:سعودی عرب میں اعضاء عطیہ کرنے والے 200 افراد کے لیے شاہی اعزازات کا اعلان کیا گیا ہے۔
سعودی عرب کی سرکاری خبررساں ایجنسی کے مطابق خادم الحرمین الشریفین شاہ سلمان بن عبد العزیز نے اعضاء عطیہ کرنے والے 200 شہریوں کو اعزازات دینے کا اعلان کیا ہے.
اعضاء عطیہ کرنے والے شہریوں کو کنگ عبدالعزیز میڈل (تھری کلاس) دینے کی منظوری دی گئی ہے۔
سعودی میڈیا کے مطابق اعضاء عطیہ کرنے والوں کے لیے اعزازات کا اعلان انسانی ہمدردی کے جذبے کو سراہنے اور دیگر شہریوں کو بھی اعضاء کے عطیات دینے کی ترغیب دینے کے لیے کیا جاتا ہے۔
