لاہور: پنجاب میں پراپرٹی ٹیکس چوری کی اطلاع پر انعام دینے کا فیصلہ کر لیا گیا، اس بارے پنجاب اسمبلی کی قائمہ کمیٹی نے پراپرٹی ٹیکس ترمیمی بل 2025ء منظورکرلیا۔
پنجاب اسمبلی کی قائمہ کمیٹی نے پراپرٹی ٹیکس ترمیمی بل 2025ء کثرت رائے سے منظور کرلیا۔
بل کے مطابق پنجاب بھر میں پراپرٹی ٹیکس چوری کی اطلاع دینے والوں کو انعام ملے گا، ٹیکس چوری، بدعنوانی، کرپشن کی اطلاع دینے والا ’’وسل بلوور‘‘ کہلائے گا۔
بل کے متن کے مطابق محکمہ ایکسائز و ٹیکسیشن افسران کو بھی ٹیکس چوری پکڑنے پر انعام ملے گا، کلکٹر ٹیکس چوری کی صورت میں متعلقہ ذمہ دار افسر کا تعین کرے گا۔
ٹیکس چوری یا کرپشن کی اطلاع پر ذمہ دار کے تعین پر ریکوری کو بھی یقینی بنایا جائے گا.
ذمہ دار افسران، اہلکاروںاور دیگر افراد کے خلاف قانونی کارروائی بھی عمل میںلائی جائے گی.
