لاہور: پنجاب پروٹیکشن آف آنرشپ آف اموویبل پراپرٹی آرڈیننس 2025ءکےخلاف آئینی درخواست لاہورہائیکورٹ میں دائر کردی گئی۔
درخواست تحریک انصاف کےاراکین پنجاب اسمبلی شیخ امتیاز محمود اور اعجازشفیع نے دائرکی.
درخواست میں مؤقف اختیارکیا گیا کہ ایکٹ کےتحت جائیداد سےمتعلق اختیارات انتظامیہ کودےکرآئین کی خلاف ورزی کی گئی،ڈسپیوٹ ریزولیشن کمیٹی میں فریقین کووکیل کےذریعےپیش ہونےکی اجازت نہیں ہے.
درخواست میں یہ بھی کہا گیا کہ سول عدالتوں کادائرہ اختیارختم کرناآئین سےمتصادم ہے،ایگزیکٹو اور عدالتی اختیارات کویکجاکرناعدلیہ کی آزادی پرحملہ ہے۔
درخواست گزار نے استدعا کی کہ پراپرٹی آرنرشپ ایکٹ اور اس کے تحت ہونے والے تمام اقدامات کالعدم قرار دیئے جائیں.
خیال رہے کہ اس سے قبل لاہور ہائیکورٹ نے مذکورہ آرڈیننس کے تحت اقدامات کو کالعدم قرار دینے کے ساتھ فل بینچ تشکیل دینے کی ہدایت بھی کر رکھی ہے.
