ویب نیوز: عالمی پریس فریڈم انڈیکس میں پاکستان کی تنزلی ہوگئی، عالمی صحافتی تنظیم رپورٹرز ود آؤٹ بارڈرز نے 180ممالک میں آزادی صحافت کی صورتحال پر نئی رپورٹ جاری کردی۔
عالمی پریس فریڈم انڈیکس میں پاکستان 152سے 158 درجے پر آگیا ، رپورٹ میں آزادی صحافت پر لگنے والی قدغنیں تنزلی کی اہم وجہ قرار دی گئی۔ رپورٹ میں دنیا بھر میں صحافتی آزادی کو لاحق خطرات پر تشویش کا اظہار کیا گیا جبکہ میڈیا پر بڑھتے معاشی دباؤ کو خطرناک مسئلہ قرار دیا گیا۔
رپورٹ میں کہاگیا کہ امریکا سمیت تقریباً ایک تہائی ممالک میں معاشی مشکلات کے باعث خبررساں ادارے بند ہو رہے ہیں،آمرانہ حکومتیں میڈیا کو کنٹرول کرنے کے لیے اقتصادی دباؤ کا استعمال کر رہی ہیں۔
انڈیکس میں بھارت میں میڈیا کی ملکیت چند سیاسی اشرافیہ کے ہاتھوں مرکوز ہونے پر تحفظات کا اظہار کیا گیا جبکہ رپورٹ میں فلسطین کی صورتحال کو تباہ کن قراردیتے ہوئےبتایا گیا کہ اسرائیلی فوج نے تقریباً 200 صحافیوں کو شہید کیا۔
پاکستان میںگزشتہ کچھ برسوںسے میڈیا کے اداروںکی بندش، صحافیوںاور میڈیا ورکرز کی جبری برطرفی، متنازعہ قوانین، صحافیوں کے لاپتہ ہونے، مقدمات قائم ہونے اور تشدد کے واقعات میںاضافہ عالمی انڈیکس میںتنزلی کی وجہ بنے.
