کراچی:سندھ کابینہ نےکچےکے علاقوں میں سماجی ترقی کے لیے ڈاکوؤں کے ہتھیار ڈالنے کی پالیسی منظور کرلی۔
وزیراعلیٰ سندھ سید مراد علی شاہ کے ترجمان کے مطابق سندھ کابینہ کے اجلاس میں بریفنگ میں بتایا گیا کہ آپریشنز اور مقامی افراد کے ساتھ مذاکرات کے بعد ڈاکوؤں نے ہتھیار ڈالنے پر آمادگی ظاہر کی ہے۔
بریفنگ میں بتایا گیا کہ قانون کے تحت ہتھیار ڈالنےکی پالیسی میں شفاف اور ہمدردانہ طریقہ اپنایا جائےگا، ہتھیار ڈالنے والے افراد کے اہلخانہ کو تعلیم، صحت اور معاشی تحفظ دیا جائےگا۔کچے کے علاقوں میں سکول، صحت، ویٹرنری سہولیات بحال کی جائیں گی۔
ترجمان کے مطابق وزیراعلیٰ سندھ نے محکمہ داخلہ کو نگرانی اور شفافیت کا عمل مؤثر بنانے اور امن کی بحالی اور ہتھیار ڈالنےکے عمل کو فروغ دینےکے لیےآگاہی مہم تیز کرنے کی ہدایت کی ہے۔
خیال رہے کہ بہت سے دانشوروں کی جانب سے پنجاب اور سندھ کے کچے کے علاقوں میں بنیادی سہولیات سے محرومی اور انفراسٹرکچر نہیںہونے کی وجہ سے ڈاکوؤںکا قلع قمع نہیںہونے کی بڑی وجہ قرار دیا جاتاہے.
