ڈیرہ غازی خان:تھانہ گدائی 14 سالہ بچی کو 6لاکھ روپے میں فروخت کرنے میں سگا باپ ملوث پایاگیا، پولیس نےکارروائی کرتے ہوئے 3ملزموںکو گرفتار کرلیا.
پولیس کو گدائی کے علاقہ میںکمسن بچی ثمینہ بی بی کوزبردستی فروخت کرکے لے جائے جانے کی اطلاع موصول ہوئی تھی.
ایس ایچ او علی عمران کے مطابق پولیس نے فوری طور پر تفتیش کا آٍغاز لرتے ہوئےپولیس نفری کے ہمراہ بستی جندانی میں چھاپہ مارااور 14سالہ ثمینہ بی بی کو بحفاظت برآمد کرلیاگیاہے.
پولیس کے مطابق تفتیش میں معلوم ہوا کہ مبینہ طور پرلڑکی کے والد اور چچا نے بدکاری کے شبہ میں لڑکی کو سزا کے طور پر فروخت کردیا تھا،جس پر ملزموں کے خلاف انسانی سمگلنگ ایکٹ کی دفعات کے تحت مقدمہ درج کرکے 3 ملزموںکو گرفتار کرلیا گیاہے.
