فیصل آباد: پیکا ایکٹ کے تحت پاکستان میںعدالت سے دوسری بڑی سزا سنا دی گئی ۔ ایڈیشنل ڈسٹرکٹ اینڈ سیشن جج فیصل آباد محمد اقبال ہرل نے ملزم محمد عثمان کو 10 سال قید اور 10 لاکھ روپے جرمانے کی سزا کا حکم دیاہے۔
ملزم محمد عثمان پرخاتون کوسوشل میڈیا پرہراساں کرنےکا الزام تھا ۔ ملزم کے خلاف ایف آئی اے نے سائبر کرائم ایکٹ کے تحت مقدمہ درج کیا تھا۔ملزم خاتون کوبلیک میل کرنے اوراس کی نازیبا تصاویراپ لوڈ کرنے میں ملوث تھا۔
فاضل عدالت میں ایف آئی اے کی جانب سےاسسٹنٹ ڈائریکٹر لیگل ایف آئی اے ساجد سہیل رانجھا نے دلائل دئیے.
فاضل عدالت نے جرم ثابت ہونے پر ملزم محمد عثمان کو دس سال قید اور دس لاکھ روپے جرمانہ کی سزا سنائی ہے۔
