ملتان: ٹریفک پولیس اہلکار پر تشدد کرنے کی ویڈیو وائرل کرنے والے 2 افراد کو پیکا ایکٹ کے تحت مقدمہ درج کرکے گرفتار کر لیا گیا۔
پولیس کے مطابق دو روز قبل خیام سنیما چوک پر تین شہریوں نے ٹریفک وارڈن کو تشدد کا نشانہ بنایا تھا۔اس واقعےکی ویڈیو بنا کر وائرل کرنے والے 2 افراد کے خلاف مقدمہ درج کرکے گرفتار کرلیا گیا۔
ملزموں کے خلاف درج مقدمہ کے متن کے مطابق انہوں نے ویڈیو بنا کر وائرل کرکے پولیس کی نہ صرف تضحیک کی بلکہ عوام کو بھی مشتعل کرنے کی کوشش کی ہے۔
خیال رہے کہ ملتان ضلع میں پیکا ایکٹ کے تحت یہ پہلا مقدمہ درج ہوا ہے۔
