اسلام آباد: چیئرمین فیڈرل جوڈیشل اکیڈمی چیف جسٹس پاکستان یحییٰ آفریدی نے پنجاب سے 5 جوڈیشل افسران کی خدمات لاہور ہائیکورٹ کو واپس کرنے کے احکامات جار ی کر دئیے۔
ذرائع کے مطابق جسٹس منصورعلی شاہ نے بطور انچارج فیڈرل جوڈیشل اکیڈمی ان افسران کو ڈیپوٹیشن پر لاہور ہائیکورٹسے فیڈرل جوڈیشل اکیڈمی میںتعینات کیاتھا۔ تاہم اب جسٹس منصورعلی شاہ کی جگہ فیڈرل جوڈیشل اکیڈمی کا انچارج جسٹس میاں گل حسن اورنگزیب کو بنا دیا گیا ہے۔
فیڈرل جوڈیشل اکیڈمی میں ڈیپوٹیشن پر تعینات پانچ ڈائریکٹرز کو واپس لاہور ہائیکورٹ بجھوا دیا اور جوڈیشل افسران کی خدمات لاہور ہائیکورٹ کو واپس کرنے کا نوٹیفکیشن جاری کردیا گیا۔
ان جوڈیشل افسران میں ڈسٹرکٹ اینڈ سیشن جج جزیلہ اسلم، ایڈیشنل ڈسٹرکٹ اینڈ سیشن جج عامر منیر، ڈاکٹر رائے محمد خان، راجہ جہانزیب اختر اور سول جج شازیہ منور مخدوم شامل ہیں۔
جوڈیشل افسران کو قواعد کے تحت مقررہ وقت میں لاہور ہائیکورٹ رپورٹ کرنے کی ہدایت کی گئی ہے۔
