ملتان ٹسٹ میں خراب روشنی اوردھند کے باعث پہلے روز کا کھیل محدود رہا،پہلے دن کے اختتام پرپاکستان نے 143 رنز بنا لئے.ملتان میں پاکستان اور ویسٹ انڈیز کے مابین کھیلے جانے والے ٹسٹ کے پہلے روز کا کھیل خراب روشی اور دھند کے باعث جلدی ختم ہوگیا۔ قومی ٹیم نے 4 وکٹوں کے نقصان پر 143رنز بنا لئےہیں۔ملتان میں کھیلے جانے والے ٹسٹ میچ قومی ٹیم کے کپتان شان مسعود نے ٹاس جیت کر بیٹنگ کا فیصلہ کیا۔ویسٹ انڈیز کے خلاف آغاز میں ہی قومی ٹیم مشکلات کا شکار ہوگئی جب اس کے 46 رنز پر 4 کھلاڑی پویلین لوٹ گئے۔تاہم محمد رضوان اور سعود شکیل نے 5 ویں وکٹ پر 97 رنز کی شراکت داری قائم کرکے ٹیم کو مشکلات سے نکالا۔دونوں کھلاڑیوں نے نصف سینچریاں سکور کی۔کپتان شان مسعود 11، ڈیبیو کرنے والے محمد ہریرہ 6، بابر اعظم 8 اور کامران غلام 5 رن بنا کر آؤٹ ہوئے۔ویسٹ انڈیز کی جانب سے جیڈن سیلز نے 3 کھلاڑیوں کو پویلین کی راہ دکھائی۔
