ملتان:گیس باؤزر دھماکے کے مزید 3 زخمی دم توڑ گئے،جس کے بعد افسوس ناک واقعے میں ہلاکتوں کی تعداد 16 ہوگئی ہے۔
ملتان کے نشتر ہسپتال کے برن یونٹ میں زیر علاج گیس باؤزر دھماکے کے مزید تین زخمی چل بسے،جاں بحق ہونے والوں میں 50 سالہ خادم، 35 سالہ اعظم اور ذوالفقار شامل ہیں۔
یاد رہےکہ 6 روز قبل ملتان کے علاقے شیرشاہ روڈ پر حامد پور کنورہ میں گیس سے بھرے باوزر میں دھماکا ہوا تھا، جس میں 10 افراد موقع پر جاں بحق اور 39 زخمی ہو گئے تھے۔
برن یونٹ حکام کے مطابق اب بھی 22 مریض زیر علاج ہیں جن میں سے بعض کی حالت تشویش ناک ہے۔
