اسلام آباد: نادرا ریکارڈ کو تبدیل کرکے باہر ملک جانے اور سہولت کاری کرنے والے مسافروں کو آف لوڈ کردیا گیا۔
اسلام آباد ائیرپورٹ پر ایف آئی اے امیگریشن نے کارروائی کرتے ہوئےجعل سازی سے ہانگ کانگ جانےکی کوشش کرنےوالے 5 مسافروں کو آف لوڈ کردیا جن میں دو خواتین اور 3 مرد شامل ہیں۔
ایف آئی اےحکام کے مطابق ایجنٹ نے جعلسازی سے 3 افراد کا نادرا ریکارڈ کو تبدیل کرکے دوسری فیملی کا حصہ بنا دیا جس کے لیے مسافروں کے گھر والوں نے فی کس ایک کروڑ 50 لاکھ روپے ایجنٹ کو دیے۔
ایف آئی اے حکام کا کہنا تھا کہ ائیرپورٹ پرسہولت کاری میں ملوث پی آئی اے کا اہلکار بھی شامل تفتیش کیا گیا ہے۔
ایف آئی اے کے مطابق مسافروں میں بشری،امجد علی، علیزے شاہین، محمد عدنان اور ذیشان علی خان شامل ہیں،مسافرامجد علی خاتون مسافربشریٰ کا حقیقی بیٹا ہے،دیگرمسافروں کو بچے ظاہر کر کے بیرون ملک لےجانے کی کوشش کی گئی،علیزے شاہین، محمد عدنان،ذیشان علی،مسافرخاتون بشری کے حقیقی بچےنہیں ہیں۔
دوسری جانب لاہور ائیرپورٹ سے جعلی دستاویزات پرمسافرکی رومانیہ جانےکی کوشش ناکام بنادی گئی،ایف آئی اےامیگریشن لاہورنےدستاویزات جعلی نکلنےپرکارروائی کی،گرفتارملزم کی شناخت عبد الرشیدکےنام سےہوئی ہے،
ملزم فلائٹ نمبرایف زیڈ-360کےذریعےورک ویزا پر رومانیہ جارہاتھا،امیگریشن کلیئرنس کےدوران مسافر کو مشکوک پایاگیا،پاسپورٹ پرپروٹیکٹرآف امیگرنٹ کے اصلی اسٹیکرکےساتھ رومانیہ کاورک ویزاجعلی پایا گیا، ابتدائی تفتیش کے مطابق ملزم نےجعلی ویزا محمد منیر اور محمد زمان نامی ایجنٹس سے18لاکھ میں لیا، ملزم کواینٹی ہیومن ٹریفکنگ سرکل لاہورمنتقل کر دیاگیا۔
