لاہور:ہائیکورٹ نے سپریم کورٹ آف پاکستان کے احکامات اور پنجاب سب آرڈینیٹ جوڈیشری سروس ٹریبونل کے فیصلے کی روشنی میں محمد داؤد ساہی کو سول جج کم جوڈیشل مجسٹریٹ کے عہدے پر بحال کر دیا ہے۔
اس ضمن میں رجسٹرار لاہور ہائی کورٹ امجد اقبال رانجھا کی جانب سے باقاعدہ نوٹیفکیشن بھی جاری کر دیا گیا ہے.
لاہور ہائی کورٹ نے سپریم کورٹ آف پاکستان کے عدالتی حکم اور پنجاب سب آرڈینیٹ جوڈیشری سروس ٹریبونل کے فیصلے کی روشنی میں محمد داؤد ساہی کو سول جج کم جوڈیشل مجسٹریٹ کے عہدے پر بحال کیا ہے۔
فاضل چیف جسٹس اور ججز لاہور ہائیکورٹ کے احکامات پر نوٹیفکیشن نمبر 64/RHC/CJJ مورخہ 06.05.2013 واپس لے لیا گیا ہے۔ جس کے تحت محمد داؤد ساہی کو 06.05.2013 سے، جس تاریخ کو وہ جبری ریٹائر ہوئے تھے، دوبارہ سروس میں بحال کیا گیا ہے۔
نوٹیفکیشن کے مطابق انہیں بطور افسر سپیشل ڈیوٹی (OSD) سول کورٹ لاہور میں تعینات کیا گیا ہے۔
بحال ہونے والے سول جج کے سروس کے بقایا جات (back benefits) کا فیصلہ انضباطی کارروائی کے نتائج سے مشروط ہوگا۔
