سپریم کورٹ کے آئینی بنچ کے سربراہ جسٹس امین الدین خان سے ہائیکورٹ بار ایسوسی ایشن ملتان کے صدر ملک سجاد حیدر میتلا،جنرل سیکرٹری سید انیس مہدی،ڈسٹرکٹ بار ایسوسی ایشن ملتان کے صدر محمد عمران خان خاکوانی،جنرل سیکرٹری سید عارف حسن شاہ اور میاں فیصل عرفان ایڈووکیٹ نے ملاقات کی اور انہیں منصب سنبھالنے پر مبارک باد دی ۔اس موقع پر بار و بنچ کے درمیان تعلقات کو مزید بہتر کرنے پر اتفاق کیا گیا،نیز سائلین کو انصاف کی فراہمی میں بار و بنچ دونوں ہی دن رات کوشاں ہیں تیزی سے ہونے والے فیصلوں کو خوش آئندقراردیاگیا۔ وفد نے جسٹس امین الدین خان کو ملتان بار آمد کی دعوت دی اور انہیں ہائیکورٹ و ڈسٹرکٹ بارز کے وکلاء کو درپیش مسائل سے بھی آگاہ کیا۔
