کراچی: امریکا میں تعلیم حاصل کرنے کے خواہش مند پاکستانی طلبہ کے لیے خوشخبری آ گئی ہے ، ہائیر ایجوکیشن کمیشن نے امریکا میں مکمل فنڈڈ پی ایچ ڈی سکالرشپس پروگرام کا آغاز کردیا۔
یو ایس پاکستان نالج کوریڈور کے تحت سو امریکی یونیورسٹیز کیلئے سکالرشپس دستیاب ہوں گی۔ٹاپ 50 یونیورسٹیوں میں منتخب طلبہ کیلئے مکمل ٹیوشن فیس،سٹائپنڈ اور ہیلتھ انشورنس فراہم کی جائے گی۔
رینک 51 تا 100 یونیورسٹیوں کے لیے 12 ہزار ڈالر سالانہ ٹیوشن سپورٹ فراہم کی جائے گی۔
پاکستانی طلبہ امریکا کی ورلڈ رینک یونیورسٹیوں میں پی ایچ ڈی کر سکیں گےجبکہ امریکا کی جامعات میں تحقیق کے مواقع بھی فراہم کئے جائیں گے۔
درخواستیں جمع کرانے کی آخری تاریخ 30 اپریل 2026ءمقرر کی گئی ہے۔
