بدین: نواحی علاقہ کڑیو گھنور تھانے کی حدود کے گاؤں آدم ابڑو میں ایک افسوسناک واقعہ پیش آیا، جہاں 22 سال کی فہمیدہ ابڑو کو بیدردی سے قتل کردیا گیا.
مذکورہ لڑکی کو قتل کسی اور نے نہیں بلکہ لڑکی کے والد، چچا اور دادا نے چھریاں مار کر کیا۔ پولیس نے قتل میں ملوث تینوں ملزمان کو گرفتار کرلیا۔
بدین میں 22 سالہ فہمیدہ ابڑو کے قتل میںملوث تینوں ملزموں کو پولیس نے گرفتار کرلیا۔
پولیس کا کہنا ہے کہ گرفتار ملزموں میں مقتولہ کا والد، دادا اور چچا شامل ہیں، تینوں گرفتار ملزمان نے اعترافِ جرم بھی کرلیا ہے۔
رپورٹ کے مطابق قتل کا مقدمہ سرکاری کی مدعیت میں پی پی سی کی دفعات 302، 311، 34 کے تحت درج کیا گیا ہے۔
پولیس کے مطابق آلۂ قتل برآمد کرلیا گیا ہے اور مقتولہ فہمیدہ ابڑو کو تیز دھار آلے سے قتل کیا گیا ہے.
پولیس کے مطابق مقتولہ فہمیدہ کو گھر پہنچنے پر قتل کیا گیا جبکہ دیگر مفرور ملزموں کی گرفتاری جلد متوقع ہےاور مقدمہ میںملوث تمام ملزموںکو کیفر کردار تک پہنچایا جائے گا.
