ملتان: سیلاب کےباعث 36 انچ کی گیس پائپ لائن متاثر ہوگئی جبکہ دریائے چناب اور ستلج کے ریلوں سے متاثرہ ایم 5 موٹر وے پانچویں روز بھی جلالپور پیر والا کے مقام پر بند ہے۔پانی کا بہاؤ تیز ہونے سے مرمت کےکام میں مشکلات درپیش ہیں، مزید نقصان سے بچانے کے لیے اطراف میں پتھر ڈالنے کا کام جاری ہے۔
سی پی او ملتان کے مطابق موٹر وے مجموعی طور پر 5 جگہ سے متاثر ہوئی ہے، جس کی وجہ سے ملتان میںسیلاب سے 36 انچ قطر کی گیس کی پائپ لائن بھی متاثر ہوگئی تھی.جس کے بعد متاثرہ پائپ لائن کو گیس منقطع کردی گئی، اور متوازی پائپ لائنوں سے سپلائی جاری ہے۔
دوسری جانب دریائے چناب میں پانی کے بہاؤ میں واضح کمی آگئی ہے، شجاع آباد کے بیشتر علاقوں سے پانی اتر گیا، جلالپور پیر والا شہر کو بچانے والے بند پر بھی پانی کی سطح میں کمی آئی ہے جبکہ شجاعباد کی بستی دوھوندو کے مقام پر بند میں ڈالے گئے شگاف کو پُر کرنے کا کام جاری ہے۔
محکمہ سوئی گیس کی جانب سے پائپ لائن کو مرمت کرنے کا کام بھی تیزی سے جاری ہے.
