خانیوال: باپ جوئے میں دو بچے ہار گیا۔ اہلیہ کا کہنا ہے کہ شوہر نے احتجاج پر بچے چھین کر گھر سے نکال دیا، وزیراعلیٰ مریم نواز اور آئی جی پنجاب میرے کم عمر بچوں کو بازیاب کرائیں۔
خانیوال کے علاقے بستی مولوی حیات کی رہائشی خاتون کا کہنا ہے کہ اس کا شوہر اختر نشہ کرتا ہے اور جواء کھیلتا ہے، اپنے دو بچوں کو جوئے میں ہار دیا۔
خاتون کے مطابق اختر حسین نے 5 سال کے فیضان اور 3 سال کے عبدالرحمان کو جوئے میں ہار دیا، کچھ لوگ میرے بچوں کو لینے آئے تھے، شوہر مچانے پر دوبارہ آنے کی دھمکی دے کر چلے گئے۔
خاتون کا کہنا ہے کہ والد کو بلایا تو اختر نے مجھے اور والد کو تشدد کا نشانہ بنایا اور بچوں کو چھین کر گھر سے نکال دیا، وزیراعلیٰ مریم نواز اور آئی جی پنجاب میرے کم عمر بچوں کی بازیاب کروائیں۔
خاتون کے اہل خانہ نے الزام عائد کیا ہے کہ پولیس کو درخواست دی تاہم تفتیشی افسر کارروائی کیلئے 30 ہزار روپے مانگ رہا ہے۔
پولیس کے مطابق خاتون کی درخواست پر قانونی کارروائی عمل میںلائی جا رہی ہےاور خاتون کو انصاف فراہم کرنے کے ساتھ ملزم کے خلاف بھی کارروائی عمل میںلائی جائے گی.
