ممبرقومی اسمبلی سیدعلی قاسم گیلانی نے کہاہے کہ ہاکی کے فروغ کے لیے اکیڈیمز کا قیام بہت ضروری ہے،کیونکہ پاکستان کا قومی کھیل ہاکی زبوں حالی کا شکار ہے.اس کے لیے ضروری ہے کہ گراس روٹ لیول پر اس کھیل کو مظبوط کیا جائے،جس کے لیے سرکاری سطح پر اکیڈیمز کا قیام بہت ضروری ہے.سپورٹس ڈیپارٹمنٹ ملتان نے اس سلسلہ میں متی تل آسٹروٹرف اسٹیڈیم میں بچوں اور بچیوں کے لیے سپورٹس ڈیپارٹمنٹ ملتان ہاکی اکیڈیمی کا جو اقدام کیا ہے وہ قابل تحسین ہے.ان خیالات کا اظہارانہوں نے اپنے حلقہ میں بننے والے منی سپورٹس کمپلیکس کے تعمیری کام کا جائزہ اور سپورٹس ڈیپارٹمنٹ ملتان ہاکی اکیڈیمی کا معائنہ کرتے ہوئے کیا.انہوں نے کہاکہ بچوں کو گراس روٹ لیول پر اتنے شاندار انتظامات اور بہترین کوالیفائیڈ کوچز کے ساتھ تربیت فراہم کرنا قابل تحسین ہے.ڈسڑکٹ سپورٹس آفیسر عدنان نعیم کی سرپرستی میں کواڈینئٹر اکیڈیمی سفیر حسین نقوی اور کوچ خرم نقوی اپنے فرائض احسن طریقے سے سرانجام دے رہے ہیں.ہمارابھی قومی فریضہ ہے کہ ہم سب ملکر پاکستان میں ہاکی کی ترقی کے لیے اپنا اپنا حصہ ڈالیں آخر میں سید علی قاسم گیلانی کا اکیڈیمی کے کھلاڑیوں کے ساتھ تعارف بھی کرایاگیا.
