اسلام آباد:وفاقی آئینی عدالت نے نجی اداروں کے ملازمین کو اولڈ ایج پنشن دینے کا حکم دے دیا۔آئینی عدالت نے ای او بی آئی کی جانب سے دائر تمام اپیلیں خارج کر دیں۔
چیف جسٹس امین الدین خان کی سربراہی میں تین رکنی بینچ نےاولڈ ایج پنشن سے متعلق اہم فیصلہ سنادیا۔
فاضل عدالت نے پندرہ سال سے کم مگر ساڑھے چودہ سال سروس مکمل کرنے والے ملازمین پنشن کے حقدار قرار دیتےہوئےکہا کہ سروس کے چھ ماہ یا زائد عرصے کو پورا ایک سال تصور کیا جائے گا۔ ای او بی آئی کا 2022ءٰ کا سرکلر پنشن کے حق کو متاثر نہیں کر سکتا۔
وفاقی آئینی عدالت نے حکم دیا کہ ای او بی آئی تمام درخواست گزاروں کو ماہانہ اولڈ ایج پنشن ادا کرے، وفاقی آئینی عدالت نے لاہور ہائیکورٹ کے 2024 اور 2025 کے فیصلے برقرار رکھے، آئینی عدالت کے فیصلے کے مطابق لاہور ہائیکورٹ کے فیصلے درست ہیں، اور مداخلت کی کوئی گنجائش نہیں۔
فیصلے کے مطابق فلاحی قانون کی سخت تشریح سے پنشن سے محروم کرنا ناانصافی ہے، ساڑھے 14سال سے زائد سروس کرنے والے کے 15 سال مکمل تصور ہوں گے، پنشن کے معاملے میں راؤنڈنگ آف کا اصول لاگو ہوگا۔
