لاہور: پنجاب میں اشیاء کی قیمتوں پر کنٹرول کیلئے نئی وزارت تشکیل دینے کا فیصلہ کیا گیا ہے۔
پرائس کنٹرول کونسل کے اختیارات میں تبدیلی کیلئے پرائس کنٹرول آف ایسنشیل کموڈیٹیز (ترمیمی) بل 2025ء بل پنجاب اسمبلی میں پیش کر دیا گیا ہے۔
پنجاب اسمبلی پیش کئے گئے بل کے متن میں کہا گیا ہے کہ پرائس کنٹرول آف ایسنشیل کموڈیٹیز ایکٹ 2024ء میں ترامیم کی جائیں گی، پرائس کنٹرول کونسل کی صدارت منسٹر پرائس کنٹرول یا وزیراعلیٰ کے نامزد کردہ عوامی نمائندے کے پاس ہو گی۔
بل کے متن کے مطابق کونسل میں لائیو سٹاک، زرعی مارکیٹنگ ریگولیٹری اتھارٹی اور پنجاب سہولت بازاروں کے سربراہان شامل ہوں گے، کونسل میں ماہرین اور سٹیک ہولڈرز کی تعداد 3-3 مقرر کرنے کی تجویز دی گئی ہے۔
ترمیمی بل پنجاب اسمبلی کی متعلقہ کمیٹی کے حوالے کر دیا گیا ہے، کمیٹی دو ماہ تک ایوان میں رپورٹ پیش کرے گی۔
حکومتی ذرائع کا اس حوالے سے بتانا ہے کہ اس وزارت کو وزیر اعلیٰ پنجاب اپنے پاس رکھیں گی۔
پنجاب میںپرائس کنٹرول کو یقینی بنانے کے لئے مذکورہ اقدام کرنے کا فیصلہ کیا گیاہے، جس کے بعد پنجاب میںاشیاء کی قیمتیںیقینی بنائے جانے کا امکان ظاہر کیاجا رہا ہے.
