راولپنڈی: پاکستانی لڑکیوں کو شادی اور پرکشش ملازمت کا جھانسہ دے کر چین سمگلنگ کے مقدمہ میں چینی باشندے کو عدالت نے جوڈیشل ریمانڈ پر جیل بھیج دیا۔
راولپنڈی کے جوڈیشل مجسٹریٹ وقار حسین گوندل نے مقدمہ کی سماعت کی اور گرفتار ملزم چائنیز ایم اے شگائی کو جوڈیشل ریمانڈ پر جیل بھیج دیا۔
چین سے تعلق رکھنے والے ملزم کو وفاقی تحقیقاتی ادارہ (ایف ائی اے) ایمیگریشن حکام نے گرفتار کیا تھا۔
عدالت نے مقدمے میں نامزد دیگر انسانی سمگلرز کی گرفتاری اور کارروائی مکمل کرنے کا بھی حکم دے دیا ہے۔
پاکستانی لڑکی کی جانب سے دائر ایف آئی آر میں مؤقف اپنایا گیا ہے کہ انہیں چینی شہری سے شادی اور ملازمت کا جھانسہ دیا گیا۔مزید بتایا گیا کہ متاثرہ فیملی سے 10 لاکھ روپے کا معاہدہ کیا گیا اور ڈیڑھ لاکھ دے کر لے جاتے ہوئے پکڑا گیا۔
