آکلینڈ: نیوزی لینڈ کیخلاف کھیلے جارہے تیسرے ٹی ٹوئنٹی میچ میں قومی ٹیم نے متعدد ریکارڈز اپنے نام کرلیے۔
پاکستانی بیٹر حسن نواز نے بابر اعظم کے ٹی ٹوئنٹی انٹرنیشنل میں تیز ترین سنچری بنانے والے پاکستانی کرکٹر ہونے کا ریکارڈ توڑ دیا۔
22 سالہ حسن نواز نے آکلینڈ میں کھیلے گئے تیسرے ٹی ٹوئنٹی میچ میں 44 گیندوں پر سنچری بنائی، ان کی اننگز میں 10 چوکے اور 7 چھکے شامل تھے۔
حسن نواز نے 105 رنز کی ناقابلِ شکست اننگز کھیلی اور وہ شاندار بیٹنگ کارکردگی پر پلیئر آف دی میچ قرار پائے۔
پاکستان نے پاور پلے میں ایک وکٹ پر 75 رنزبنائے،پاکستان نےپاورپلےمیں اپنے سب سےبڑے اسکورکاریکارڈ بنالیا،کپتان سلمان آغا نے31 گیندوں پر51 رنزکی ناٹ آؤٹ اننگزکھیلی،نیوزی لینڈکی ٹیم پہلےکھیلتے ہوئے204 رنز پر آؤٹ ہوئی تھی۔
مارک چیپ مین نے44 گیندوں پر97 رنز بنائے،حارث رؤف نے 29 رنز دے کر 3 شکار کیے،عباس آفریدی، ابرار احمد اور شاہین آفریدی نے 2-2 وکٹیں حاصل کیں.
