لاہور:وزیراعلیٰ پنجاب مریم نواز نےمیت کو ہسپتال سےگھرپہنچانےکیلئےایمبولینس سروس شروع کرنےکی منظوری دیدی۔
وزیراعلیٰ پنجاب مریم نواز کی زیرصدارت خصوصی اجلاس ہوا،سیکرٹری ایمرجنسی سروسز ڈاکٹر رضوان نصیر نے بریفنگ دی.
اجلاس میں طے کیا گیا کہ میت کو ہسپتال سے دوسرے شہر لے جانے کی سہولت مفت دی جائے گی۔
پنجاب کی ہر تحصیل میں ہسپتال سے گھر میت لےجانےکیلئے کم از کم ایک وین میسر ہوگی،مرحوم کے اہلخانہ 1122پرکال کرکےیاہسپتال کاؤنٹر سے مفت وین سروس لے سکیں گے،میت کی منتقلی سروس کی سمارٹ مینجمنٹ سسٹم کے ذریعے مانیٹرنگ کی جائے گی۔
بڑےسرکاری ہسپتالوں،ہرتحصیل میں سرکاری وہیکل سروس شروع کرنے کے لیے پلان طلب کرلیا گیا.
اجلاس میں پرائیویٹ ایمبولینس سروسز کے ریٹ مقرر کرنے کی تجویز کا جائزہ لینے کے بعد ریگولائز کرنے پر اتفاق کیا گیا۔
