چترال: گہریت گول میں غیرملکی شکاری نے کشمیری مارخور کا شکارکر لیا۔
محکمہ جنگلی حیات کا بتانا ہے کہ روسی شکاری نے مارخور کے شکارکا لائسنس68 ہزار امریکی ڈالرز یعنی پاکستانی ایک کروڑ 90 لاکھ 35 ہزار 178 روپے میں لیا تھا.
شکار کیے گئے مارخور کے سینگوں کی لمبائی 41 انچ ہے۔
محکمہ جنگلی حیات کے مطابق مارخور کا شکار کمیونٹی بیسڈ ٹرافی ہنٹنگ پروگرام کےتحت کیا گیا.
اس ہنٹنگ پروگرام کی آمدن کا بڑا حصہ مقامی آبادی کی فلاح وبہبود پرخرچ کیا جائے گا۔
محکمہ جنگلی حیات نے کہا کہ اس ہنٹنگ پروگرام کا مقصد جنگلی حیات کا تحفظ اور مقامی آبادی کو معاشی فوائد دینا ہے۔
