اسلام آباد+کراچی:رواںسال کے پہلے ماہ جنوری2025ء کے دوران ملک بھر میں ہر قسم کی صحت سہولیات مزید مہنگی ہوگئیں۔
ادارہ شماریات کے مطابق ایک ماہ کے دوران میڈیکل ٹیسٹ کی فیسوں میں مزید 5.36 فیصد اضافہ ہوا اور سالانہ بنیادوں پر میڈیکل ٹیسٹ 15.16 فیصد تک مہنگے ہوئے۔
دستاویز میں بتایا گیا ہے کہ جنوری میں کلینک مزید 4.28 فیصد تک مہنگے ہوگئے اور ایک ماہ میں ڈینٹل سروسز مزید 2.22 فیصد اور سالانہ بنیادوں پر 26.16 فیصد تک مہنگی ہوئیں۔
دستاویز میں کہا گیا ہے کہ جنوری کے دوران ہسپتال مزید 0.36 فیصد تک مہنگے ہوگئے اور گزشتہ ایک سال کے دوران ہسپتال 13.09 فیصد تک مہنگے ہوئے۔
دستاویز کے مطابق جنوری کے دوران ادویات کی قیمتوں میں 0.52 فیصد تک مزید اضافہ ہوا،ایک سال کے دوران ادویات 17.48 فیصد تک مہنگی ہوگئیں اور ایک ماہ میں ہر قسم کی صحت سہولیات 1.27 فیصد تک مہنگی ہوئیں۔
دریںاثناءڈرگ ٹیسٹنگ لیبارٹری سندھ کی رپورٹ میں انکشاف ہوا ہےکہ ملکی وغیرملکی کمپنیوں کی100 سے زائد ادویات غیرمعیاری ہیں۔رپورٹ کے مطابق ڈرگ انسپکٹرز کے ذریعے مارکیٹ سے متعدد سیمپلز منگوائے گئے، رپورٹ میں100 سے زائد ادویات کو جعلی اور غیرمعیاری قرار دیا گیا۔
رپورٹ کے مطابق مارکیٹ سے لیےگئے سیمپلز میں دوا کی مطلوبہ مقدار موجود نہیں تھی، ڈرگ ٹیسٹنگ لیبارٹری نے دو ماہ میں43 ادویات کو غیرمعیاری قرار دیا، ٹیسٹنگ کے دوران 65 مختلف ادویات جعلی نکلیں، ٹیسٹنگ کےدوران 9 ادویات میں ہربل کی ملاوٹ بھی ثابت ہوئی۔
رپورٹ میں جان بچانے والی ادویات بھی غیرمعیاری قرار دی گئیں۔ رپورٹ میں کہا گیا ہے کہ ایسی دواؤں کےفروخت کنندگان کے لائسنس منسوخ کیے جاسکتے ہیں۔
