لاہور: پب جی گیم سے متاثر ہوکر گھر والوں کو قتل کرنے والے ملزم کو سیشن کورٹ لاہور نے مجموعی طور پر 100 سال قید سزا کا حکم دے دیا۔
لاہور کی مقامی عدالت نے 2022ء میں والدہ، بھائی اور دو بہنوں کو قتل کرنے والے ملزم کو جرم ثابت ہونے پر 100سال قید اور 40لاکھ روپے جرمانے کی سزا سنادی۔ ایڈیشنل سیشن جج ریاض احمد نے قتل کیس کا فیصلہ سنایا۔عدالت نے قرار دیا کہ ملزم علی زین نے2022ء میں والدہ، بہن اور بھائیوں کو قتل کیا، کم عمری کی وجہ سے ملزم کو 4 بار عمر قید کی سزادی جارہی ہے۔
تھانہ کاہنہ پولیس نے2022ءمیں مقدمہ درج کیا تھا، پراسیکیوٹر نے گواہان کوپیش کیا، عدالت کو بتایا گیا کہ ملزم نے رات کے 2 بجے گیم کھیلتے متاثر ہوکر گھر والوں پر فائرنگ کردی تھی۔
جس کے بعد کم عمر ملزم کو گرفتار کر کے چالان عدالت پیش کیا گیا تھا.
