LHC 2

لاہور ہائیکورٹ نے صوبائی جوڈیشل کمیٹی کا اجلاس 19 نومبر کو طلب کر لیا

لاہور: ہائیکورٹ میں صوبائی جوڈیشل کمیٹی کا اجلاس 19 نومبر کو طلب کر لیا گیا، چیف جسٹس لاہور ہائیکورٹ جسٹس عالیہ نیلم اجلاس کی صدارت کریں گی۔

اجلاس میں گزشتہ اجلاس کے فیصلوں پر عملدرآمد کی پیش رفت کا جائزہ لیا جائے گا،جبکہ یکم اپریل سے 30 ستمبر 2026ء تک درج ہونے والے مقدمات کی ایف آئی آرز اور چالان جمع کرانے کی صورتحال بھی زیر غور آئے گی۔
412503 369287 updates
اجلاس کے ایجنڈے میں جیلوں میں قیدیوں کی تعداد، جیلوں کی صورتحال، گنجائش سے زائد قیدیوں کے مسئلے اور جیلوں میں رش کم کرنے کے اقدامات شامل ہیں۔پروبیشن اور پیرول پر رہا ہونے والے قیدیوں کے اعدادوشمار، یکم اپریل سے 30 ستمبر 2026ء تک سزا یافتہ اور بری ہونے والے ملزمان کی تفصیلات بھی پیش کی جائیں گی۔

صوبے بھر میں لاپتہ خواتین کے مقدمات اور ان کی تلاش کے لیے کیے گئے اقدامات کا جائزہ لیا جائے گا، اینٹی کرپشن اسٹیبلشمنٹ پنجاب کی زیر تفتیش انکوائریوں، درج مقدمات اور عدالتوں میں جمع کرائے گئے چالان کی تفصیلات بھی اجلاس میں پیش ہوں گی۔

یکم جنوری سے 31 اکتوبر 2026ء تک اینٹی کرپشن مقدمات میں عدالتوں میں پیش ہونے والے گواہوں کے اعدادوشمار بھی زیر غور آئیں گے۔اجلاس میں سی سی ڈی پنجاب کی جانب سے 31 اکتوبر 2026ء تک درج اور تفتیش کیے گئے مقدمات کی تازہ ترین رپورٹ پیش کی جائے گی۔
Untitled 2026 02 13T195736.093
اس طرح سال 2017ء تک کے زیر التوا پرانے مقدمات میں چالان جمع نہیں ہونے کی وجوہات، تفتیشی پیش رفت اور تفتیش کا معیار بہتر بنانے کے اقدامات کا بھی جائزہ لیا جائے گا۔

اجلاس میں حکومتی محکموں سے متعلق مقدمات کی معلومات متعلقہ محکموں کو ڈیجیٹل طریقے سے منتقل کرنے کے معاملے پر بھی غور ہوگا، جبکہ اجلاس میں قانون و انصاف کمیشن پاکستان، محکمہ داخلہ، پراسیکیوشن، پولیس، جیل خانہ جات، اینٹی کرپشن، پنجاب فرانزک سائنس ایجنسی اور دیگر متعلقہ اداروں کے اعلیٰ حکام شرکت کریں گے۔

اپنا تبصرہ لکھیں