اسلام آباد:سپریم کورٹ میں وکلاء کی غیر حاضری پر چیف جسٹس یحییٰ آفریدی نے شدید برہمی کا اظہار کرتے ہوئے صدر سپریم کورٹ بار ہارون الرشید کو طلب کر لیا۔
سپریم کورٹ کے جسٹس شاہد بلال نے نشاندہی کی کہ وکلاء کی جانب سے کیسز کے التواء کی بہت زیادہ درخواستیں آ رہی ہیں۔
چیف جسٹس پاکستان نےصدر سپریم کورٹ بار سے کہا ایک طرف جلد سماعت کی درخواستیں دائر کی جاتی ہیں تو دوسری طرف وکلاء پیش نہیں ہوتے۔
چیف جسٹس پاکستان نے رائے دی کہ وکلاء اسلام آباد نہیں آ سکتے تو ویڈیولنک کی سہولت موجود ہے،آپ بار کے ذریعے وکلاء کو پابند کریں ۔
صدر سپریم کورٹ بار ایسوسی ایشن ہارون الرشید نے تجویز دی کہ پیش نہیں ہونےوالے وکلاء پر جرمانہ کیا جائے. اس پر فاضل چیف جسٹس یحییٰ آفریدی نے کہا پہلی دفعہ جرمانہ نہیں کرتے آپ وکلاء کو پیشی پر حاضر ی یقینی بنانے کا پابند کریں۔
