ویب نیوز: بابا گرو نانک کی 486ویں برسی کی3 روزہ تقریبات کا آغاز ہوگیا۔دربار کرتارپور کو مقامی شہریوں کے لیے کھول دیا گیا،برسی کی مرکزی اور اختتامی تقریب22ستمبر کو ہوگی۔
ہیڈ گرنتھی سردار گوبند سنگھ کا کہنا ہے کہ بھارت نے برسی کی تقریبات میں شرکت کے لیے یاتریوں کو اجازت نہیں دی، جس کی وجہ سے بھارت کے رہنے والے سکھ یاتری مایوس ہونے کے ساتھ رنجیدہ ہیں.
دوسری جانب سکھ یاتریوں نے دکھ کا اظہار کرتے ہوئے بھارتی حکومت سے مطالبہ کیا ہے کہ مذہب کو جنگی جنون کی بھینٹ نہیں چڑھایا جائے، اس لئے سکھ یاتریوں کے ویزے میں نرمی کی جائے تاکہ وہ اپنی مذہبی رسومات ادا کر سکیں.
بھارت کی جانب سے سکھ یاتریوں کو پاکستان آنے کی اجازت نہیںدینے پر دنیا بھر سے مذہبی اور سکھ رہنماؤںنے اظہار مذمت کیا ہے.
