اسلام آباد: بیورو آف امیگریشن نے بیرون ملک جانے والے پاکستانیوں سے متعلق اعداد و شمار جاری کردیئے۔ ملک کے معاشی حالات اور روزگار کی کمی کے باعث مزید پاکستانی نوجوان ملک چھوڑ کر چلے گئے.
بیورو آف امیگریشن کے مطابق رواں برس کےپہلے 3 ماہ میں ایک لاکھ72ہزار 144 پاکستانی ملازمت کی غرض سے بیرون ملک گئے اور سب سےزیادہ 99 ہزار 139پاکستانی مزدوربیرون ملک گئے۔
رپورٹ کے مطابق ایک ہزار 859 مستری، 38 ہزار 274 ڈرائیورز، 1058ویلڈرز اور ایک ہزار 689 باورچی بیرون ملک گئے۔
بیورو آف امیگریشن کی رپورٹ کے مطابق 2130 الیکٹریشن اور 436 ٹیچرز نے بھی ملازمت کی غرض سے بیرون ممالک کا رخ کر لیا۔
رواں برس کے پہلے 3 ماہ میں 849 ڈاکٹرز ملازمت کی غرض سے بیرون ملک گئے، اس کے علاوہ ایک ہزار 479 انجینئرز، 390 نرسز ، اور 3474 ٹیکنیشن بھی بیرون ملک گئے۔
رپورٹ میں مزید بتایا گیا ہے کہ سب سے زیادہ ایک لاکھ 21 ہزار 970 پاکستانی سعودی عرب گئے جبکہ 6 ہزار 891 افراد یو اے ای، 8 ہزار 331 عمان، 12ہزار 989 قطر، 939 بحرین،775 ملائیشیا، 592 چین، 350 آذربائیجان،264 جرمنی اور 815 پاکستانی یونان گئے۔
رپورٹ کے مطابق 108 پاکستانی جاپان، 109 اٹلی، 870 ترکیہ، ایک ہزار454 برطانیہ اور 257 پاکستانی امریکا گئے.
خیال رہے کہ ملک میںعام افراد کے معاشی حالات میںبتدریج ابتری اور بڑھتی ہو ئی بے روزگاری کے ساتھ کاروباری مواقع اور سرمایہ نہیںہونے کے باعث پاکستانیوں کی بڑی تعداد روزگار کے لئےبیرون ملک جانے کی خواہاںہے،لیکن بیرون ملک جانے کے لئے بھی بھاری سرمایہ اور موقع محدود افراد کے پاس ہے.
