کہوٹہ: نیشنل سائبر کرائم ایجنسی (این سی سی اے) نے کہوٹہ کے سرکاری ہسپتال میں خواتین کی نامناسب ویڈیوز بنائے جانے پر مقدمہ درج کرلیا۔
حکام نیشنل سائبر کرائم ایجنسی کے مطابق نامناسب ویڈیوز بنانے کا واقعہ ایکسرے ڈپارٹمنٹ میں پیش آیا۔
این سی سی اے نے دو ملازمین کو گرفتارکرکے مقدمہ درج کرلیا گیا ہے اور ملزموں سےموبائل فون اور قابل اعتراض مواد بھی برآمد کرلیا ہے۔
ہسپتال انتظامیہ نے بتایاکہ گرفتار ملازمین کو معطل کر کے انکوائری کمیٹی تشکیل دے دی گئی ہے اور انکوائری کمیٹی ڈسٹرکٹ ہیلتھ افسر کی سربراہی میں کام کرے گی۔
ہسپتال انتظامیہ نے بتایاکہ انکوائری کمیٹی 7 روز میں اپنی رپورٹ پیش کرنے کی پابند ہوگی۔
اس ضمن میںنیشنل سائبر کرائم ایجنسی کو شکایت کی گئی تھی کہ مذکورہ ہسپتال ملازمین خواتین کی چوری چھپے ویڈیوز بنا کر پریشان کرتے ہیں.
