نمائندگان: لاہور کے علاقے مصطفی ٹاؤن میں سسرالیوں نےمبینہ طورپربہوکو تیل چھڑک کر آگ لگا دی، متاثرہ خاتون جناح ہسپتال میں دم توڑ گئی ۔
پولیس کے مطابق سسرالیوں کے ہاتھوں خاتون پر مبینہ طور پر تیل چھڑک کر آگ لگانے کا واقعہ 8 اپریل کوپیش آیا۔ مقدمہ کے مطابق مہوش کو اس کے خاوند شاہد، دیور سہیل اورسہیل کی بیوی ثمرین نے جلادیا۔
پولیس کو واقعے کی اطلاع تاخیرسے جناح ہسپتال سے دی گئی،پولیس نے زخمی خاتون مہوش کی مدعیت میں مقدمہ درج کیا تھا۔ پولیس کا کہنا تھا لاش پوسٹ مارٹم کے بعد ورثا کے حوالے کر دی ہے ۔ملزمان فرار ہیں جنھیں جلد گرفتار کرلیاجائے گا۔
کراچی میں شوہر نے بیوی کو چھری کے وار کرکے قتل کردیا۔پولیس کے مطابق گلشن اقبال بلاک 2 میں شوہر نے مبینہ جھگڑے کے دوران چھری کے وار سے سے بیوی کو قتل کردیا۔
پولیس کے مطابق مقتولہ صائمہ کو اس کے شوہر سرفراز نے گھریلو جھگڑےکے دوران قتل کیا، اطلاع ملتے ہی پولیس فوری موقع پر پہنچ گئی اور شوہر کو گرفتار کرلیا، پولیس نے مزید بتایا کہ میاں بیوی ایک سکول کی چھت پر رہائش پذیر تھے اور دونوں اسی سکول میں ہی ملازمت کرتے تھے۔
